圣徒誓打纸「老虎」

590×300
已经斩获3个联赛入球嘅攻击手列蒙特今仗继续负责撕开对手后防线。
英超在礼拜日晚上继续有好戏上演,继较早开场嘅北伦敦打比之后,喺22点15分又有2场英超同时开波,其中侯城将坐镇主场迎战修咸顿。鉴于侯城如今遭遇联赛六连败,而圣徒啱啱喺欧霸杯赢波后占据出线主动权,喺今仗比赛之后即将进入国际比赛日,暂时无后顾之忧嘅圣徒可以喺本轮尽派主力出战,无疑实力更胜一筹嘅圣徒更有信心喺呢场比赛中笑到最后。

侯城喺阔别英超一个赛季之后,今季重新驰聘于英超赛场,但系佢哋好似已经唔记得英超应该系点去踢嘅咁,喺联赛开局攞到两连胜之后,佢哋单一嘅踢法已经畀对手睇穿睇透,近8场联赛竟然输足7场。帮助侯城冲超成功、季初一致畀睇好嘅前锋艾保靴南迪斯今季脚风相当不顺,联赛至今只收获1个入波,主力攻击手辛迪加斯刚刚伤癒复出,状态如何还系未知数,而另一名前锋迪奥文迪如今遭遇停赛处罚,原本已经唔犀利嘅锋线依家更加存在咁多隐患,喺伤兵名单入面,中后场都有主力因伤倦勤。就咁睇,又无士气阵容又唔完整,再加上一条形同虚设嘅后防线,依家呢支侯城真系一只纸「老虎」。

虽然圣徒今季联赛演出平平无奇,其实好大嘅因素系球队需要多线作战,造成阵容长期不完整,如今包括后卫施迪苏亚雷斯同前锋朗治在内嘅几位球员都因伤倦勤,不过大家不妨留意下,喺之前嘅一个国际比赛日之后,圣徒都未试过有得抖下,每个礼拜都一周双赛,佢哋始终唔系咩顶级豪门,顾得欧霸杯又唔顾得英超,呢方面系值得体谅嘅。而接下来即将再次进入国际比赛日,阵中有部分主将得到休息嘅机会,咁喺联赛休战之前,佢哋肯定想尽力缩窄与前列队伍嘅积分差距。值得留意嘅系,今夏加盟嘅攻兵列蒙特可谓迅速融入球队,盘带稳以及爆发力强劲嘅佢已经不知不觉成为圣徒今季的攻击核心之一,而不甘于系昆士柏流浪踢英冠嘅查理柯士甸一向系一位有实力嘅锋将,佢加盟圣徒后亦证明咗自己系踢英超嘅料,佢连同列蒙特嘅组合成为球队撕开对手防线嘅重要之选,喺佢两个畀对手严防嘅时候,由上仗与国际米兰嘅欧冠杯中我哋睇到另一个战术,将云迪克呢个高点推上前场,球队果然收到唔错嘅成效,最终2比1反胜对手,云迪克更加攻入扳平比数嘅入波。

讲起数据,侯城已经遭遇面对圣徒嘅六连败,喺呢6场败仗当中,澳彩冇一场开出侯城让波嘅亚洲让球盘盘口,咁足以睇得出两队近年嘅交锋喺赛前圣徒都畀睇好,佢哋又不负众望咁喺近6次面对侯城嘅比赛中未输过盘,咁今仗澳彩开出圣徒让半球/一球嘅亚盘盘口,无疑又再睇高圣徒一线,喺侯城近期攻不锐守不稳嘅情况下,客军圣徒无疑更值得支持。

发表评论

您的电子邮箱地址不会被公开。

Related Post